बाटो

आफैं लचक्क हुनेगरि हिडनपनि दिएकै छ

आफैलाइ भत्काउनेगरी गुडनपनि दिएकै छ

न कसैलाइ अभर पारेको छ

न कसैको विजोग पारेको छ

रातपनि भन्नुछैन दिनपनि

हिउंदपनि भन्नुछैन वर्षापनि

लाग्छ

हाम्रैलागि बांचिरहेछ बाटो

हाम्रैलागि मरिरहेछ बाटो।

कहिले पानीमूनी लुक्दै कहिले पानीमाथि देखिदै

सबैलाइ खोला तारिरहन्छ उ

समुद्रबाट निकालेर बस्तिसम्म उही पुरयाउछ

पहाड छिचोलेर मैदानसम्म उही पुरयाउछ

सजिलो बाटोमा अघि बढने हामी भाग्यमानीहरु

बाटो बनाइदिने

ति अभागी र असजिला हातहरुलाइ

खै कति सम्झन्छौं होला र

तर ओ... हो... वाटो नभए

कसरी छाम्नुहोला उत्तरको चिसो

कसरी छाम्नुहोला दक्षिणको तातो।